Ahr

D Ahr isch e Fluss z Dütschland.

Si lyt i de Bundesländer Nordrhy-Weschtfaale und Rhyland-Pfalz und mündet als Näbefluss vo linggs in Rhy. Dr Fluss isch 85 Kilometer läng.

D Ahr foot im Dorf Blankeheim i dr Eifel a. Iri Kwelle lyt under eme alte Huus, und si flüsst vo dört a zerscht bi dr Burg vo Blankeheim verby.

S oberen Ahrtaal, der gross Boge vo dr Ahr bi Altenahr und d Flechi bi dr Mündig in Rhy sind Naturschutzpiet. I dr Schlucht durs Ahrgebirge isch s Ahrtaal bim Felse Farbigi Chue ganz äng. Denn chunt dr Fluss dur d Chreisstadt Bad Neuenahr-Ahrweiler und lauft bi dr Stadt Sinzig, noch vo Remagen, in Rhy.

• 
  s Huus mit dr Ahrkwelle
• 
  d Ahr bim Felse
  Farbigi Chue
• 
  d Ahrmündig